غلاف

عنوان

أحلام مُستحيلة

( ديوان شعر بالعامية المصرية)

للشاعـــر

سعيـد بــلال

إهــــــــــداء .. إلى شريكة حياتى

}} لأنى أُحِبُّـك  {{
لأنى أُحِبُّـك ... فأنا أحيـــــا بقربــِــــــــكْ
لأنى أُحِبُّـك ... أغــــار عليك من ثَوبـِــكْ
لأنى أُحِبُّـك ... أتغاضى عن كل ما عابكْ
لأنى أُحِبُّـك ... أرى كل الجمـــــال بـِــكْ
لأنى أُحِبُّـك ... أرى الدنيـــــــا بعينيــــكِ
لأنى أُحِبُّـك ... أذوب بــــين شـــفتيـــــكِ
لأنى أُحِبُّـك
لأنى أُحِبُّـك ... وهبتـُــكِ كلَّ أركانـِـــــى
لأنى أُحِبُّـك ... فأنتِ كــــلُّ آمالــِــــــــى
لأنى أُحِبُّـك ... فقد صِرتِ أروعَ أحلامى
لأنى أُحِبُّـك ... ودَّعـــتُ كلَّ آلامــــــــى
لأنى أُحِبُّـك ... طـــــوََّعتُ لحبكِ أقلامى
لأنى أُحِبُّـك ... منحتُـــــكِ كل كلماتـِـــى

أحلام مستحيلة

الحيـــــاة ضِحْكِتلــى مـــــــــــــــــرَّة
  بعـــــد ماعشـــت المــــــــــــــــــرار
 قلـــــت مـــــــرة هنســـى همــــــى
والسـعــــــادة بتنــادينــــــــــــــــى
ياللا نجــــرى فيــــــها نفــــــــرح
ننســـــــــى أيام المــــــــــــــــــــرار
أنســـــــــــى حزنى .. وانسى غمى
وانســــــــى كل سنين أنينـــــــــــى
مــــــــــن حنانِـك شَــــرَّبِـينــــــــــى
مــــــــــن عُيُونِـك قَـرَّبِـينــــــــــــــى
مــن أمل أنا شايفُـه فيكى إسعدينى
مــــــــن همومــــى .. إخطفينـــــــى
مـــــــن آلامــــــــى ..هتداوينــــــــى

دَوَّقيــنــــــــــى طعـــــــــم جــنــــــة
انا عشت عمـــــــــــرى سنين فى نار
عشت عمـــــــــــرى احلـــم بضحكة
تحــــــــــــــــــلا ويّاها سنينــــــــــى
والتقيتك جايــــّـــــــــــة عنــــــــــدى
جايـــــــــــة ومعاكـــى القـــــــــــــرار
جايــّــــــــــة نفسِــــك تسعدينـــــــــى
تفرَّحينــــــــــــى ..وتواسينــــــــــــــى

***

للأســـــــــف كان حلـــــم طاير

زي أحــــــــــــــــــــــــلام النهار
مـــــــــــرة  واحدة سمعت رنـَّه
فَـوَّقتنــــــــــى مِــــــــــن هيامى
إصحــــــى ياابنـــــــــــــــــــــــى
قــــــــــــــــــــوم ياشاطـــــــــــر
قلت ميــــــــــن دا بينادينـــــــى
ياللا إصحى
قـــــــوم لهمك  ، قـــــوم لغمك
إنت هتسيب المــــــــــــــــــرار؟
هى دى قسمـــــــــــــــــة حياتك
إنت عايش حلـــــــــــــــــــم طار

مستحيل

مستحيل ارجــــــــــع لقربك

ياللى  عمرى ضاع فى حبك

هتقوليلى انــــــــــــى بحبك؟

أيـــوه ..  بحبك

بس ده شىء مش بإيدى

واللى بيدى  هـــو  عزمى

وبإرادتى هنسى حبــــــك

واقدر ابعد عــــــن سهادى

عن عنادك أو عنادى

أنسى حبك ، وانسى قربك

حتــــى لو فى يوم جِيتينى

اتـْـرَجِّـتِـينــــى ..

مش هقولها

مــــش هقولك ياحبيبتـــى

زى ما اتعــــــــودت أقولها

مستحيل

كنت دايمًا تحت أمــــــرك

وانسى راحتى لجل راحتك

واخفى أحزانى وهمومــى

لجل يوم ما تغيب سعادتك

مستحيل

كان منايا افضــــــــل بقربك

واقضى طــــــول العمر جنبك

وارتــــــــــــوى من نبع قلبك

لما اموت .. أموت بحضنك

لكن خلاص .. بقى مستحيــل

بتقوليلــــــــــى انى اسامحك

يـــــووووه ..  ياما سامحتك

وبترجعــــــــــى دايمًا لعادتك

وتجافينـــــــى ، وتهملينـــــى

مش هسامحك

مستحيل

كان معاكى ألف فرصـــة

ترجعى ، وكنت هسامحك

قبل ما افـوق من غفاوتى

لجل ما .. أحفظ كرامتـــى

لا .. أنا مش هسامحــــــك

مستحيل انـــــــى أسامحك

  مستحيل .. مستحيل

سهرت لحالى

سهرت لحالـــى .. أكلم حالـــى

وأشكى لحالــــى .. من حالــــى
واتارى الوحـــــــدة باقيالـــــى

وهـــــمّ الدنيا علـــــــــى بالــى

وطـــال الليل ، وشفت الويـــــل

وقُلت يابـــــــــــــــويا تعالا لى
وخُدنــى معاك .. أموت ويـــاك

لا رَدّ عليــا ، ولا جــــــالــــــى

اشوفلى صديق أو حتى حبيب

وأحكــــــى لِحَدّ عن حــالـــــى؟
صــــداقة مين؟ ، وحُبِّ لمين؟

دا كله شـــــــــات وتسـالــــى
أكلّم خِلِّـــــــى عن همـــــــــــى

يقولــــــى ياعــــمّ وانا مالــــى
متشوفلك حَدّ خالـــــــى البـــال

وتسيبنى أنا فــــــــــ حالـــــــى

غفلت فـــ نــوم .. يادوب ثانية

وفجأة لقيت هاتف جــالــــــى
قالى ياعبـــــد قوم صلــــــــى

أنـــا المولــــــى تعالا لـــــــــى
وقولـــــى " ياربِّ يا وكيلـــى"

وقـــــول  "انتَ اللى أبْــقالى"
أشيل همـــــــــك وازيل حـزنك

لو هى جبال ولا أُبــــــــــــالى

……

ياشـــــايل هَمّ فـــــــوق طاقتك

ربَّك فــــــــــــــــوق فى العالى
ينادى عليك "أنـــــــــا ربَّك "

لا تحمـــــــل هـــمّ ، ولا تبالى
ويـــا مخلــــوق أنا خالقـــــك

لا تشكى لحد فيـــــــــها بدالى
ويوم ما تضيق بيك الدنيــــا

دُقّ البــــــــاب تعــــــــــالالى

"بلاش تبعدى"

ليه بس عايـــــــــــــــزه تبعدى

وبتهددى

تهجرينى ، وتنهى أحلام السنين؟

وأدوق فـــــــــــــــى بُعدك الضنا

بعد السرور والهنا

وأعيش حزيــــــــن ، ويَّـا الأنين

جايــــــــــــــة النهاردة تهددينى

تبعدى؟

وهتقدرى؟

تنسى  أيـــــــــــــــــــام الجَوى

ودنيا عشناها ســــــــــــــــــوا

ويَّــا الهوى

، ويَّــا الحنين

وقصة حـــــــــــــــــب تتحكى

وتتغنــــــــــــــى آلاف السنين

يتعلمـــــــــــــــــوا منها الوفا

وقلوب ينـــــــــــــورها الصفا

ويَّـا الأمـــــــــــــــــــان والدفا

متهنيين وفرحانين

أنا بوعـــــدك .. أفضل معاكـــى

وأنول رضاكى

وافضل حبيبك ، وكمان صديقك

وامسح دموعك

وأكون معاكى

دايمًا وَفِــــى ، ودايمًا كريـــــــــــم

لسه برضو ناوية تمشى وتهجرى؟

ما بإيـــــــــــدى حيلة غير إنــــــى

أفكَّرك ، وأنوَّرك

يمكن فــــــــى لحظــــــــة تِقْـدَرى

تفكرى ، وتقررى

وتبعدى .. عنى الأنين