الحب بين قلبين

خدعــــوك وقالــــــوا .. الحــب بين قلبـــــــــين
الحب أصبـــــح خليط .. كوكتيل مــــــن العشاق
إخلاص وفا من فين؟ .. فى زمانا بقوا ضايعين
عاشق واحـــــد ما يطفى مــــــن لهفة المشتاق
وما ينقصك فى الواحد .. هتاخده م الباقييــــــن
الصبــــــــــح نفطر فول .. نتـــــــغدا بالأسماك
ونحلِّى مرة بـــ خوخ .. ونحلِّى مـــرة بــــ تين
لازم تنـــــوع مشاعرك .. وتعــــــــدد الأشواق
إزاى تعيــش فى الدنيا مخلص وفِــى وأمــين
إنســـــــى كمان القناعة .. بلا قيم ..بلا أخلاق